PNP Chief General Sinas, balik-trabaho na ngayong araw

BALIK-trabaho na si Philippine National Police o PNP Chief Police General Debold Sinas ngayong araw, Marso 25.

Matatandaang Marso 11 nang sumailalim sa quarantine si Sinas matapos magpositibo sa COVID-19.

(BASAHIN: PNP Chief Sinas, nagpositibo sa COVID-19)

Sa Kiangan Treatment Facility sa Camp Crame naman nai-isolate ang PNP Chief.

Samantala, sa pagbabalik-trabaho ni Sinas ay nakipagpulong na rin ito sa kanyang hanay para sa ilang updates gaya ng COVID-19 at sa kasalukuyang ipinatutupad na NCR+ bubble.

 Nais mabakunahan kontra COVID-19 ang mga JTF-COVID shield personnel

Samantala, maliban sa mga medical frontliners ng Philippine National Police, nais din ni PNP Chief Gen. Debold Sinas na mabakunahan kontra COVID-19  ang lahat ng mga personnel ng Joint Taks Force COVID-Shield.

Ani Sinas, dapat isali ang mga ito sa priority list sapagkat ang mga ito ang nagbabantay sa mga checkpoint sa Metro Manila, Bulacan, Cavite, Laguna at Rizal o NCR Plus.

Dagdag pa ni Sinas, merong ginawang 61 quarantine control points sa loob ng NCR Plus ang PNP upang maiwasan ang paglabas-masok ng mga unauthorized person.

Samantala, nasa 3,652 PNP personnel ang naka-deploy ngayon sa 61 QCPS in the ‘NCR Plus’

Sa ngayon, nasa 2,677 na mga PNP personnel ang nabakunahan na kontra COVID-19.

SMNI NEWS

Leave a Reply

Your email address will not be published.