ITINALAGA si PNP Public Information Office chief Police Brigadier General Redrico Maranan bilang acting District Director ng Quezon City Police District (QCPD).
Ito ay bilang kapalit ni Brigadier General Nicolas Torre III.
Tinanggap na ni PNP chief Police General Benjamin Acorda Jr. ang courtesy resignation ni Torre dahil sa isyu ng pulis na nanakit at nagkasa ng baril sa isang siklista sa Quezon City kamakailan.
Kasabay nito, itinalaga si PNP spokesperson Police Colonel Jean Fajardo bilang acting PNP PIO Chief.
Ang reassignment ng dalawang opisyal ay epektibo kahapon, Agosto 31.
