Police Col. Grijaldo, ipina-contempt muli ng House Quad Comm

Police Col. Grijaldo, ipina-contempt muli ng House Quad Comm

IPINA-CONTEMPT muli si Police Colonel Hector Grijaldo ng House Quad Committee dahil anila sa pagsisinungaling.

Sa naging hearing nitong Martes, Enero 21, 2025, bigo nitong kumpirmahin ang sinabi niyang reward system sa drug war campaign ng nakaraang administrasyon ni dating Pangulong Rodrigo Roa Duterte.

Ito’y kahit sinabi niya ang naturang impormasyon sa isang sworn statement noong Oktubre 28, 2024.

Matatandaan namang noong Oktubre ay sinabi na rin ni Grijaldo na kinausap siya ni Laguna Rep. Dan Fernandez at Manila Rep. Benny Abante na noo’y co-chairs ng Quad Comm na suportahan na lang ang pahayag ni retired Police Col. Royina Garma hinggil sa reward system.

Subalit tinanggihan niya ang pang-uudyok na ito.

Samantala, unang naipa-contempt si Grijaldo noong Disyembre 2024 matapos hindi ito dumalo sa apat na sunod-sunod na hearing ng Quad Comm hinggil pa rin sa drug war.

 

Follow SMNI NEWS in Twitter

Follow SMNI News on Rumble