IMINUNGKAHI sa Department of Health (DOH) na dapat pag-aralan ang pagkakaroon ng pre-registered vaccines.
Ito ay kasunod ng ulat na may nasayang na mahigit 31.3 million doses o nasa P15.6-B halaga ng COVID-19 vaccines.
Ayon kay Joey Concepcion, ang Go Negosyo founder, maiiwasan o mababawasan ang pagkasayang ng bakuna kung magkakaroon ng pre-registration.
Sinabi pa nito na nauna na siyang nagbigay ng suhestiyon kay DOH OIC Undersecretary Maria Rosario Vergeire na magkaroon ng pre-registering scheme sa mga empleyado mula sa private sector na nais magpabakuna.
Layunin nitong magkaroon ng sistema ang pamamahagi ng COVID-19 vaccines hindi lang sa private sector kundi maging mga local government units.
Umaasa naman si Concepcion na ma-ikonsidera ang naturang suhestiyon.
