ITINUTURING na ring person under monitoring (PUM) si Presidential Son Davao City Vice Mayor Baste Duterte matapos magpakita ng mga sintomas ng COVID-19.
Ayon sa kapatid nitong si Davao City Mayor Sara Duterte, mayroong lagnat, ubo at sore throat ang bise alkalde at kasalukuyan ng naka-home quarantine.
Si Baste ay may travel history sa Metro Manila, apat na linggo na ang nakararaan.
Sinabi ni Mayor Sara na hindi mag-a-avail si Baste ng COVID-19 dahil sa limitadong suplay ng testing kits.
Aniya, mas makakabuting gawing available ang testing kits para sa mga may malalang sintomas.
