DUMALO si Quezon City Mayor Joy Belmonte sa Inspire Inclusion Forum ng Australia/New Zealand Chamber of Commerce’s People & Culture Committee sa Makati Shangri-La.
Ibinahagi ni Mayor Belmonte ang iba’t ibang programa at inisyatibo ng lokal na pamahalaan para maisulong ang pagkakapantay-pantay sa lungsod.
Inihayag ni Mayor Belmonte ang mga programa ng Quezon City tulad ng QC Protection Center, pagbibigay ng oportunidad sa mga person with disability, at pagpapalakas ng men opposed to violence against women everywhere.
Mayroon na ring unified database ang lokal na pamahalaan, pulis, barangay, at Gender and Development Council para mas madaling mabigyan ng karampatang tulong at intervention ang mga biktima ng pang-aabuso.
Ang forum ay dinaluhan ng mga opisyal at miyembro ng ANZCHAM at iba pang business leaders.
