ITINALAGA ng Kamara de Representantes si Quezon Province 1st District Rep. Mark Enverga bilang caretaker ng Valenzuela 1st District.
Ito ang distritong iniwan ni DSWD Secretary Rex Gatchalian na inappoint sa pwesto isang linggo ang nakakaraan.
Kapwa magkasama sa Nationalist People’s Coalition (NPC) sina Gatchalian at Enverga.
Nauna nang sinabi ni House Speaker Martin Romualdez na sa NPC siya kukuha ng magiging caretaker ng Valenzuela 1st District.
Samantala, inilabas naman ng Office of the Speaker ang official letter of resignation ni Gatchalian bilang kongresista.
Si Gatchalian ay dati ring Chairman ng House Committee on Local Government.
Tiniyak naman ng bagong kalihim ang kolaborasyon sa mga dating kasama sa Kongreso kahit sa executive branch na ito magsisilbi sa bayan.
