Raymundo Ferrer, umupo na bilang OCD administrator

Raymundo Ferrer, umupo na bilang OCD administrator

PORMAL nang umupo bilang ika-13 administrator ng Office of Civil Defense (OCD) si Undersecretary Raymundo Ferrer.

Pinalitan ni Raymundo Ferrer si Undersecretary Ricardo Jalad na nagsilbi bilang administrator ng OCD mula 2016 hanggang Agosto 2022.

Pinangunahan ni Defense OIC Senior Undersecretary Jose Faustino Jr. ang turnover ceremony na ginanap sa Camp Aguinaldo, Quezon City.

Sa talumpati ni Ferrer, binigyang-diin nito ang kahalagahan ng pagpapalakas ng kapasidad ng OCD para mas maibigay ang serbisyo na may kaugnayan sa Disaster Risk Reduction and Management (DRRM).

Bago maitalaga sa pwesto, si Ferrer ay dating commander ng AFP Western Mindanao Command (WestMinCom) hanggang sa magretiro noong 2012.

Siya ay miyembro ng Philippine Military Academy (PMA) “Masikap” Class of 1977.

Follow SMNI NEWS in Twitter