KUMPLETO na ang labing dalawang refrigeration units ng lokal na pamahalaan ng Maynila para sa imbakan ng mga bakuna kontra COVID -19
Ito’y matapos dumating na kahapon ang tatlong biomedical freezers para Pfizer COVID-19 vaccines.
Dahil dito magsisimula na ang operasyon ng COVID-19 vaccine storage facility na pag- aari ng Manila City government sa Sta.Ana, Manila ngayong Pebrero 14 o sa darating na linggo kung saan nakalagay ang mga naturang refrigeration unit.
Ang mga refrigeration unit para sa COVID-19 vaccines ng Manila LGU ay kayang maka- accommodate ng 5,200 vials para sa 2 units ng -10 to -25 freezer.
Nasa 17,2000 vials bawat isa naman para sa 2 units ng -10 to -30 freezer habang 35,000 vials bawat isa para naman sa 3 units of -70 freezer at ang 5 units ng 2-8 degrees freezer ay kayang maka – accommodate ng 8,200 vials.
Ayon kay Manila City Mayor Isko Moreno Domagoso nakahanda nang tumanggap ng iba’t ibang brand ng COVID-19 vaccines ang pamahalaan ng lungsod.
Tiniyak din na ang Sta. Ana Hospital na ang mga naturang pasilidad ay ligtas kung saan may 11 CCTV cameras ang ospital na gumagana 24/7 at may anim din itong data loggers ibig sabihin ito ang nagmo-monitor ng temperatura sa bawat refrigerator.
