HINDI na makadadalo si Pampanga 2nd District Rep. Gloria Macapagal Arroyo sa State of the Nation Address (SONA) ni Pangulong Ferdinand “Bongbong” Marcos, Jr. ngayong araw.
Ito’y matapos magpositibo sa COVID-19 ang mambabatas.
Kinumpirma ito ni Erwin Krishna Santos, Chief of Staff ni Arroyo kung saan aniya ay sumailalim sa self-quarantine si Arroyo.
Hulyo 15 nang magpositibo ang mambabatas sa isang antigen text at nagpositibo rin sa reverse transcription-polymerase chain (RT-PCR) test noong Biyernes.
Dahil dito aniya ay hindi makadadalo sa SONA si Arroyo.
Ayon naman kay Dr. Martha Nucum, personal physician ni Arroyo, kasalukuyang nagpapagaling si Arroyo at regular na umiinom ng gamot.
