TUMAAS ang bilang ng reservists sa Armed Forces of the Philippines (AFP).
Ito ang kinumpirma ni AFP Spokesperson Col. Francel Margareth Padilla sa panayam sa kaniya.
Ani Padilla malaking tulong ang pagpasok ng mga personalidad o celebrities para makahikayat pa ng maraming kabataan na pumasok bilang reservist.
Muling pinaalala ng pamahalaan na mahalaga ang ginagampanang papel ng mga reservist sa bansa.
Magsisilbi aniya itong dagdag-puwersa sakaling maharap ang bansa sa mga matitinding hamon gaya ng digmaan, pananakop o ‘di kaya’y rebelyon.
Katuwang ang reserve force ng bansa sa humanitarian efforts partikular na sa relief at rescue operations at nag-aambag din ang mga ito sa socio-economic development.
