SA harap ni DOJ Secretary Jesus Crispin Remulla, nanumpa na si dating Senior Deputy State Prosecutor Richard Fadullon bilang bagong prosecutor general ng National Prosecution Service ng Department of Justice (DOJ).
Tuluyan nitong pinalitan sa puwesto si Benedicto Malcontento na nag-resign noong buwan ng Oktubre.
Matatandaan na noong Nobyembre 4 nang itinalaga ng Malacañang sa puwesto si Fadullon na 30 taon nang nagsisilbi sa DOJ.
Ayon kay Fadullon, lahat ng maihahain na reklamo sa DOJ, ay tutugunan ng National Prosecution Service.
“Expect the National Prosecution Service will be professional in dealing with all the cases that will be referred to it for investigation. You can be assured that our prosecutors will do their functions with utmost integrity.”
“The DOJ is here for everybody who wishes to get assistance, the assistance of the department, in whatever form. We will be here to give advice whether it is to give advice,” saad ni Richard Anthony Fadullon, Prosecutor General, DOJ National Prosecution Service.
Mga testigo laban kay Ex. Cong. Arnie Teves, inaasahang ihaharap sa korte sa Nov. 20
Kasabay rito, inihayag ni Fadullon na magkaroon ng susunod na pagdinig sa Nobyembre 20 para sa kasong murder na isinampa ng prosekusyon laban kay dating Cong. Arnie Teves Jr.
Inaasahan sa court hearing ang pagsalang sa mga testigo.
“Meron nang mga testigo na nakahandang isalang na testigo ang ating mga prosecutor na naka-assign doon,” ani Fadullon.
Si Mayor Janice Degamo, ang byuda ng napaslang na si Roel Degamo, nauna nang naipresenta sa korte ang kaniyang nilagdaang affidavit.
Sa gagawing pagdinig sa a-bente, ay luluwas ito ng Maynila para suportahan ang mga testigo ng prosekusyon.
“There are witnesses that asked me to support them and of course I told them I will be there.”
“I would like to believe na we are nearer to where we want to go, with the justice of the governor,” wika ni Mayor Janice Degamo, Pamplona, Negros Oriental.
Pero ang tanong ng taumbayan, kelan ba talaga mapapauwi ng DOJ si Teves sa bansa?
Hanggang ngayon aniya ay tila hirap ang DOJ na mapauwi ang dating kongresista.
“Mayroon kaming naririnig na feedback na maybe they are using their money to prevent him from coming home the soonest.”
“Kapag maraming pera and you are facing someone na maraming pera ‘di ko alam kung doon sa Timor, inaano ba nila. ‘Di ba ‘yan intentionally na nagkaroon ng lacks and error in the process or proceedings to delay,” dagdag ni Degamo.