DINOMINA ng Philippine Army Reserve Officers’ Training Corps (ROTC) cadets mula sa Malabon City University (MCU) ang 8 kategorya ng athletics event sa pagtatapos ng Philippine ROTC Games 2023 nitong Oktubre 11, 2023, PhilSports Complex Track and Field Oval, Pasig City.
Nasungkit ng MCU ang 3 gold sa 4×100-meter relay men at 4×400-meter relay men and women, at 4 silver at 1 bronze sa iba pang kategorya.
Sinundan sila ng Rizal Technological University (RTU) na may 3 golds sa 100-meter men and women at 200-meter men, at 1 silver sa 200-meter women category.
Pumangatlo naman ang Polytechnic University of the Philippines (PUP) Sta. Mesa na may 1 gold sa 4×100-meter relay women at 1 silver sa 4×400-meter relay women.
Pinuri naman ng pamunuan ng Philippine Army ang lahat ng kadete sa pakikiisa ng mga ito sa larangan ng isports at bilang mga kinatawan ng kani-kaniyang unibersidad at institusyon.