TINANGHAL bilang panalong aktres sa full-length film category si Ruby Ruiz sa ginanap na CinePanalo 2025 Film Festival.
Ito’y dahil sa kaniyang pagganap bilang Nay Pansay ng pelikulang “Tigkiliwi.”
Ang panalong aktor naman sa full-length film category ay si Khalil Ramos na gumanap bilang Olsen sa “Olsen’s Day” at si JP Larroder na gumanap bilang Tata sa “Tigkiliwi.”
Sa student shorts category, panalong aktres si Geraldine Villamil na gumanap bilang Remy sa “Uwian.”
Habang panalong aktor sa student shorts category sina Lucas Martin na gumanap bilang Sam sa “Sampie” at si Jasper John bilang Juan Dela Cruz sa “Dela Cruz, Juan P.”
Samantala, ang pinakapanalong pelikula para sa full-length category ay ang “Salum” at “Champ Green” para sa student shorts.
Ginanap ang awarding ng CinePanalo 2025 Film Festival nitong Miyerkules, Marso 19, 2025.
Follow SMNI News on Rumble
