HINDI dadalo si Russian President Vladimir Putin sa G20 Summit na gaganapin sa Bali, Indonesia sa susunod na linggo.
Hindi rin tiyak kung dadalo na lang ito sa event virtually ayon kay Yulia Tomskaya ng Moscow Embassy sa Indonesia.
Nauna nang sinabi ni Indonesian President Joko Widodo na imbitado pa rin si Putin sa kabila ng nangyayaring Russian-Ukraine war.
Ayon kay Widodo, tinanggap naman ni Putin ang kanyang naging imbitasyon.
Samantala, sinabi ni Ukraine President Volodymyr Zelenskyy na hindi siya dadalo sa G20 Summit kung dadalo si Putin.
Si US President Joe Biden na kumpirmado nang dadalo sa event ay sinabi ring wala siyang intensyon na makita si Putin sa Bali.
