IGINIIT ni Senador Cynthia A. Villar na ang agrikultura sa Mindanao ang magbibigay ng pag-asa at malaking oportunidad sa ‘inclusive growth’ ng rehiyon.
Kumpiyansa ang chairperson ng Senate Agriculture and Food Committee na ang Mindanao Island ang may pinakamalaking potensiyal sa bansa sa paglago ng agrikultura.
Sa kanyang pananalita sa 24th Davao Agri Trade Expo (DATE) sa siyudad, kinilala ni Villar ang Mindanao Business Community na nangunguna sa taunang trade expo sa rehiyon.
Ang expo, ani Villar, ay nakatutulong na paigtingin ang pagbangon ng ekonomiya ng bansa sa kabila ng pandemya.
“I am happy that Davao City Chamber of Commerce is our partner focusing on the agriculture industry in accelerating the development of the agriculture sector in Mindanao,” ayon kay Villar.
Binigyan-diin niya na ang Mindanao ang pinakamalaking producer ng agri-products kung saan ang saging, niyog, pinya at iba pang prutas at nuts ang 5 pangunahing export products ng rehiyon.
Inihayag din ni Villar na may 18 priority industry clusters ang Davao Region.
Ang mga ito ay ang abaca, saging, bangus, cacao, niyog, durian, ICT, livestock at poultry, mangga, mining, renewable energy, bigas, seaweeds, turismo, kahoy, oil palm, rubber at kape.
“Thus, prospects for agribusinesses here are very bright with growing demand for value-added products and processed food in the domestic and global market,” ayon kay Villar.
Bilang pagkilala sa Davao na pinakamalaking producer ng cacao at mahalagang kontribusyon sa pagkilala sa Pilipinas bilang chocolate makers mula sa U.S., Japan, at Europe, inakda ni Villar ang Republic Act No. 11547 na nagdedeklara sa Davao City na “Chocolate Capital” at Davao Region bilang “Cacao Capital” ng Pilipinas.
Base sa pinakahuling data ng Philippine Statistics Authority (PSA), may 78,76% ang taunang produksyon ng cacao ng Davao Region.
“I know the importance of cacao that provides livelihood to farmers in the countryside to guarantee the sustainability of the country’s cacao industry particularly here in Davao to ensure food security, employment opportunities, and better income for our people,” giit ni Villar.
“There is also always agricultural tourism as a potential venture because there are a lot to see in Davao and the whole of Mindanao,” pagtatapos ni Villar.
