KASALI sa lineup ng 2024 ‘Disney Parks Magical Christmas Day Parade’ sa Estados Unidos ang Grupong Seventeen!
Sa anunsiyo, makakasama nila rito ang ilang world famous artists gaya nina Elton John, John Legend, Anika Noni Rose, Carly Pearce, Pentatonix, Andy Grammer at casts ng ‘Descendants: The Rise of Red’ ng Disney at maging sa ‘Disney on Broadway’.
Sa naturang event, kakanta ang Seventeen ng kanilang sariling rendition ng ‘Rockin’ Around the Christmas Tree’.
Sila pa lang ang kauna-unahang K-pop artist na kasali sa lineup ng annual holiday celebration na ito.
Ang ‘Disney Parks Magical Christmas Day Parade’ ay matutunghayan umaga ng Disyembre 25, 10 AM Eastern Standard Time (EST); 9 AM Central Standard Time (CST); at 5 AM sa Mountain Standard Time (MST) at Pacific Standard Time (PST) sa American TV network na ABC.
Habang 11 AM EST; 10 AM CST; at 8 AM PST sa streaming service na DISNEY+.
Kung sa time zone ng Pilipinas, 11 PM ito makikita.
