NANGUNGUNA ang Smart Communications Inc. sa may pinakamaraming Subscriber Identity Module (SIM) cards registrants sa buong Pilipinas.
Batay sa inilabas na datos ng Public Telecommunication Entities (PTEs), ang Smart Communications Inc. ay may 11,716,059 registrants na sinundan naman ito ng Globe Telecom Inc. na may 9,669,285 at Dito Telecommunity na may bilang na 1,906,089 registered cards.
Sa kabilang banda, inanunsyo naman ng Department of Information and Communications Technology (DICT) kahapon ng hapon, as of January 20 ay may 23,291,433 registered SIM cards na sa bansa.
Magugunita na alinsunod sa Republic Act No. 11934 (SIM Registration Act), lahat ay mandated na mag-register ng SIM hanggang sa Abril 26, 2023.
