PINURI ni Boss Dada, isang kilalang political vlogger, ang SMNI bilang natatanging plataporma na naghahatid ng mga totoong balita sa kabila ng mga paninira at hamon na kinakaharap nito.
Ayon sa kaniya, kung wala ang SMNI, mawawalan na ng tagapaghatid ng makatotohanang balita sa mainstream media.
“Itong SMNI na lang talaga ang naghahatid ng balitang totoo, at talaga namang walang peke. Dire-diretso ang SMNI kahit na tanggalan mo ng prangkisa—kahit na kung anu-anong paninira ang gawin nila, tuloy-tuloy ang SMNI.”
“Kung walang SMNI, wala ng maghahatid ng totoong balita sa mainstream media,” pahayag ni Boss Dada, Political Vlogger.
