ABISO sa ating mga motorista! Magpapatupad ng taas-presyo sa mga produktong petrolyo ang mga kumpanya ng langis simula ngayong Martes, Enero a-siyete.
Sa abiso ng Shell Pilipinas, Seaoil at Caltex, tataas ng piso ang kada litro ng gasolina at kerosene.
Habang piso at apatnapung sentimos naman ang dagdag-presyo sa diesel.
May kaparehong ding price adjustment sa gasolina at diesel ang Cleanfuel at iba pang kumpanya ng langis.
Epektibo ang naturang taas-presyo bukas ng alas-sais ng umaga maliban sa Cleanfuel na alas-kwatro uno ng hapon.
Ito naman ang kauna-unahang oil price hike ngayong bagong taon.
