NAKIPAGTULUNGAN sa Tanduay Distillers Inc. ang Weisshaus, ang leading liquor distributor sa Austria.
Ito’y para maipakilala sa kanilang bansa ang produkto ng sikat na alcoholic beverage company ng Pilipinas.
Ang Tanduay Distillers pa lang ang kauna-unahang Asian rum brand na nakarating sa Austria.
Para sa Tanduay, hindi naman ito ang unang pagkakataon na pumasok sila sa European Markets.
Nauna na itong pumasok sa Germany, Belgium, Netherlands, Luxembourg at United Kingdom.
Maliban pa dito ay nakapasok na rin ito sa Guam, United Arab Emirates, China, Singapore at Hong Kong.
Ayon kay Tanduay President and Chief Operating Officer Lucio Tan III, isang milestone na naman ito ng kanilang 168-years old na kasaysayan.
