NANALO ng gintong medalya ang thrower na si Cendy Asusano upang dagdagan ang nahakot na medalya ng Pilipinas sa ika-11 na ASEAN Para Games na kasalukuyang idinadaos sa Surakarta, Indonesia.
Si Asusano na na-disqualify noong Martes bunsod ng maluwag na strap sa throwing chair ay nagbalik na mas malakas upang makapagtala ng bagong personal best nito na 5.65 meter sa kanyang ika-apat na pagbato sa shot put event.
Matatandaan na humakot ang mga Pinoy para-athletes noong Martes ng ginto na umabot ng 8.
Base sa talaan ng Philippine Sports Commission at Philippine Paralympic Committee, mayroon ng kabuuang 14 gintong medalya ang mga Pinoy para-athletes, 13 silver, at 29 na bronze.
