INANUNSIYO ng K-pop group na TWICE ang kanilang comeback sa Hulyo sa pamamagitan ng teaser video na “Intro: Four” sa kanilang social media.
Ipinakita sa video ang siyam na miyembrong nakasuot ng asul na kasuotan na may salitang “four” sa palda.
Bagama’t kumpirmado na ang pagbabalik, hindi pa inilalabas ang eksaktong petsa ng album. Ito ang unang full-length album ng TWICE matapos ang halos apat na taon, kasunod ng “Formula of Love” noong 2021.
Debut ng grupo ang “The Story Begins” noong 2015, at simula noon ay nakilala sila sa buong mundo sa kanilang mga hit na K-pop singles.
Kamakailan, bumisita rin sila sa Pilipinas para sa isang fan meeting na inorganisa ng lokal na brand na kanilang ineendorso.
