NAKATAKDANG parangalan ang dalawa sa mga batikang Pinay OPM Legends sa gaganaping 15th Star Awards for Music ng Philippine Movie Press Club (PMPC).
Si jazz diva Vernie Varga ay tatanggap ng Pilita Corrales Lifetime Achievement Award habang si Odette Quesada ay tatanggap ng Parangal Levi Celerio Lifetime Achievement Award.
Kilala si Varga sa kaniyang mga kanta tulad ng “Number One,” “Kahit Isang Saglit,” “Love Me Again,” “A Little Kiss, A Little Hug,” “Just for You,” “I’m Me,” “All I Need,” at “Palabra de Honor.”
Si Quesada naman ay sikat para sa mga kanta nitong “Give Me a Chance,” “Till I Met You”, at ang hit song na “Friend of Mine,” na kinanta niya sa sarili niyang album.
