BINIGYANG diin ni Sen. Cynthia Villar na mahalagang yakapin ng mga kababaihan ang technological advancements.
“This is crucial as we face the challenges and seize the opportunities of the digital age,” ani Villar sa 18th Annual General Assembly of the Philippine Federation of Local councils of Women (PFLCW).
“By doing so, we can empower women to become leaders, innovators, and key decision makers in the digital economy,” dagdag pa niya.
Subalit, iginiit ng senador na ang ‘gender digital divide’ ang hadlang sa women’s digital empowerment.
Sa buong mundo, 70% ng kalalakihan ang gumagamit ng internet kumpara sa 65% ng mga babae.
Sa low at middle income countries, sinabi niya na may 15% ng mga kababaihan ang maaaring hindi gumamit ng mobile internet.
Sinabi rin ni Villar na 24% lamang ng kababaihan sa buong mundo ang nakatala sa Information and Communication Technology (ICT) courses.
Nagdudulot ito ng kakulangan sa skilled workers.
Sa Pilipinas, sinabi ng senador na mas mataas ito ng konti sa 30-40%, subalit hindi pa rin ito sapat.
“We, in the Philippine Senate, continue our commitment to address the challenges and opportunities in the digital world through various laws and bills,” pahayag pa ng senador.
Ang ilan sa mga ito ay ang – Republic Act (RA) No. 11293 o Philippine Innovation Act, RA 11337 o Innovative Startup Act, RA No. 11967 o Philippine Digital Workforce Competitiveness Act o Republic Act No. 11927, RA 11967 o The Internet Transactions Act, RA 11976 o The Ease of Paying Taxes Act, SB No. 2560: Anti-Financial Account Scamming Act or the AFASA.
