NAKAKUHA ng positibong approval at trust ratings sina Pangulong Ferdinand Marcos, Jr. at VP Inday Sara Duterte at 3 pang matataas na opisyal ng gobyerno sa 2022 Pahayag 3rd Quarter Survey ng PUBLiCUS Asia, Inc.
Sa survey ng Pahayag mula Setyembre 16-20 na may 1,500 repondents, si VP Duterte ang pinagkakatiwalaang opisyal ng pamahalaan na may 66% approval rating.
Sumunod si Pangulong Marcos na nakakuha ng 62%; Senate President Miguel “Migs” Zubiri, 50%; House Speaker Martin Romualdez na nakakuha ng 46% at si Supreme Court Justice Alexander Gesmundo na may 41%.
Para naman sa trust rating, nangunguna pa rin si VP Sara na may 62%; 53% kay Pangulong Marcos, 41% si Zubiri; 39% si Romualdez at 35% naman kay Gesmundo.
Kabilang naman sa mga kagawaran na nakakuha ng mataas na approval rating ay ang Department of Education (DepEd), Supreme Court, Department of Health (DOH), Department of Agriculture (DA), Department of Justice (DOJ) at Department of Human Settlements and Urban Development (DHSUD).
