KINILALA ni Vice President at Education Secretary Sara Duterte ang mahalagang papel ng mga librarian sa edukasyon.
Ito ang naging sentro ng kaniyang talumpati sa Annual National Congress 2022 Philippine Librarians Association Inc. (PLAI) na ginanap sa Iloilo Convention Center.
Ayon kay Duterte, importante ang ginagampanan ng mga librarian sa paghubog ng isipan ng mga mag-aaral na nagbibigay-daan sa kanila na magkaroon ng sapat na kaalaman na gumawa ng matalinong mga pagpili at tamang desisyon sa buhay.
Sinabi rin ni Duterte na ang mga librarian sa Pilipinas ay makakaasang laging bukas ang Office of the Vice President sa anumang kailangan nila para ipagpatuloy ang paghubog sa kaalaman ng bawat mamamayang Pilipino.
