KASALI ang White Beach, Boracay Island sa 15 most beautiful white sand beaches sa buong mundo ng United States-based Veranda Magazine.
Batay ito sa nai-post ng Malay, Aklan Tourism Office sa kanilang social media page nitong Setyembre 8, 2024.
Sa katunayan, nasa ika-anim na puwesto ang White Beach sa naturang listahan at ang natatanging beach mula sa Pilipinas at Southeast Asia na nakasali sa rankings.
Proven and tested nga naman ang ganda ng Boracay dahil maliban sa pagkilalang ito ng Veranda Magazine, tinawag na rin itong Asia’s leading luxury island destination ng World Travel Awards 2024.
