Abi Marquez nominado muli sa Webby Awards 2025

Abi Marquez nominado muli sa Webby Awards 2025

NOMINADO muli sa 29th Annual Webby Awards 2025 ang Philippine Lumpia Queen na si Abi Marquez.

Pasok si Abi bilang individual creator sa Food & Drink category ng Webby People’s Voice, kasama ang American culinary-content creator na si Jeremy Scheck, American chef at cookbook creator na si Joshua Weissman, Babish Culinary Universe ni Andrea Rea, at si Olivia Tiedemann.

Bukod rito, nominado rin siya sa isa pang parangal—ang Webby Award na pinipili ng International Academy of Digital Arts and Sciences (IADAS).

Nakilala si Abi sa kaniyang engaging TikTok videos tampok ang kaniyang unique recipes, at siya ang kauna-unahang Filipina na nanalo ng Webby Awards noong 2024.

Sa ngayon, nasa ikatlong puwesto pa ang Lumpia Queen sa Webby People’s Voice, pero bukas pa rin ang online voting hanggang Abril 17, 2025.

Bisitahin lamang ang official website ng Webby Awards para makaboto sa inyong paboritong food content creator.

Follow SMNI NEWS in Twitter

Follow SMNI News on Rumble