MAY proposed budget na ang iba’t-ibang programa ng pamahalaan para sa taong 2023.
Nakapaloob ito sa isinumiteng National Expenditure Program o NEP ng Department of Budget and Management (DBM) sa Kamara nitong Lunes.
Ang anti-insurgency efforts ng pamahalaan, hindi nakaligtaang pondohan kung saan P10-B ang ilalaan ng Marcos administration para sa Barangay Development Program ng NTF-ELCAC.
Susi ang programang ito sa pagbibigay ng proyekto mga lugar na dating pinagkutaan ng CPP-NPA-NDF.
“Kasama po sa budget ng Local Government Support Fund po yung pondo po natin for support for Barangay Development Program of the National Task Force to End Local Communist Armed Conflict po. Ito po yung ELCAC. And budget po natin this year is P5.62 [B] and then we increased it to P10 Billion for 2023,” pahayag ni DBM Sec. Amenah Pangandaman.
Bukod sa BDP budget, ipinaliwanag din ni Pangandaman ang iba pang bagdag pondo sa ilalim ng local government support fund sa susunod na taon.
“And kasama din po dito ay yung budget po natin for growth equity fund. Ito po yung pondo para sa ating 4th, 5th, 6th municipalities and barangays po na mabigyan po natin sila ng enough programs and projects po para atleast po makaabot po sila doon sa mas mataas na municipalities po. And we also have the financial assistance to LGU po of P5 billion,” ayon kay Pangandaman.
Sasailalim sa guidelines naman ang BDP funds dahil bubuuin pa nila ang line items ng pondo.
