MATAGUMPAY ang huling araw ng paghahain ng mahigit dalawang milyong botante sa Quezon City para sa Barangay at Sangguniang Kabataan Elections (BSKE).
Ito ang sinabi ni Quezon City Treasurer Edgar Villanueva, sa panayam nitong Lunes, Setyembre 4.
Aniya, ang tanging tagubilin ni QC Mayor Joy Belmonte, sa simula pa lang ay tumulong ang local government unit (LGU) sa paghahanda ng Commission on Elections (COMELEC) simula sa paghahain ng Certificate of Candidacy (COC) hanggang sa huling araw o mismong araw ng halalan ng Oktubre 30.
Binigyang-diin ni Villanueva na sa pangkalahatan ay mapayapa ang huling paghahain ng COC at walang problema mula sa 142 barangay na naghain ng COC.
Sunabi pa ni Villanueva na bumisita pa ang COMELEC Main Office sa Quezon City at lubos nilang pinahahalagahan ang suportang ibinigay sa kanila ng LGU at walang nangyaring hindi kanais-nais na insidente sa paghahain ng COC.
Ang paghahain ng COC ay orihinal na itinakda mula Agosto 28 hanggang Setyembre 2, gayunpaman, ang trabaho sa mga tanggapan ng gobyerno ay nasuspinde noong Setyembre 2 dahil sa walang tigil na pag-ulan na dulot ng southwest monsoon o habagat.
Ito’y pinalawig hanggang kahapon, Setyembre 4.
Inilarawan ni Villanueva na halos perpekto ang kanilang paghahanda para sa paghahain ng COC.
Responsable ang Office of the City Treasurer sa paghahanda sa halalan kung saan isasaalang-alang ng Office of the City Treasurer na pinamumunuan ni Villanueva na tagapag-alaga ng mga election materials at paraphernalia mula sa paghahain ng COC hanggang sa huling araw ng halalan.
