INVITED ang aktres na si Judy Ann Santos sa interactive segment ng British celebrity na si Chef Gordon Ramsay nitong Lunes, Enero 20, 2025 sa Newport World Resorts, Pasay City.
Sa naturang interactive segment ay kasama ni Judy Ann si Danica Lucero mula sa Center for Culinary Arts Manila; vlogger na si Ryan Morales Reyes o Ninong Ry; at Bea Therese Qua, ang head chef ng Gordon Ramsay Bar and Grill Philippines.
Sa Mini-Masterchef Challenge ay inatasan silang apat na gumawa ng halo-halo na may twist ng sarili nilang ingredients sa loob ng 10 minuto.
Gamit naman ni Judy Ann para sa kaniyang sariling twist ang Black Sesame Polvoron.
Bagamat hindi nanalo sa Mini-Masterchef Challenge, sinabi ng aktres na iyon ang mga itinuturing niyang ‘priceless moments’ lalo na’t nakasama niya ang renowned chef na si Ramsay.
Follow SMNI News on Rumble
