KINUHA ng Creamline Cool Smashers para sa 2025 AVC Women’s Champions League ang dalawa pang foreigners.
Ang mga ito ay ang middle blocker na si Anastassiya Kolomoyets ng Kazakhstan at ang outside hitter na si Anastasiya Kudryashova ng Russia.
Nauna nang nakuha ng Creamline ang American Spiker na si Erica Staunton na nakasama na ng team noong 2024 PVL Reinforced Conference.
Ang 2025 AVC Women’s Champions League ay mag-uumpisa sa April 20–27 sa PhilSports Arena.
Maliban sa Creamline ay kasama rin sa Philippine teams na maglalaro sa AVC ang Petro Gazz Angels na nag-kampeon sa 2024-2025 PVL All-Filipino Conference at ang PLDT High Speed Hitters.
