NASUNGKIT ni Philippine Jiu-Jitsu fighter Margarita “Meggie” Ochoa ang silver medal sa 15th Abu Dhabi World Professional Jiu-Jitsu Championships.
Ito’y ginanap sa United Arab Emirates nitong Nobyembre 8-10, 2023.
Tinalo ni Ochoa sina Serena Gabrielli ng Italy, Eliana Carauni ng Argentina, at Anastasia Leonovich ng Russia.
Si Mayssa Bastos ng Brazil naman ang nakakuha ng gold sa finals ng 49-kilogram brown/black belt category.
Ang World Jiu-Jitsu Championship sa Abu Dhabi ang kauna-unahang major international tournament na sinalihan ni Ochoa mula nang ito’y manalo ng ginto sa 19th Asian Games nitong Oktubre 2023.
