GINAWARAN ng medalya ni Armed Forces of the Philippines (AFP) chief of staff General Romeo Brawner Jr. si outgoing Australian Defense attache Colonel Paul Barta.
Ito ay kasunod ng exit call ni Barta sa AFP General Headquarters sa Camp Aguinaldo, Quezon City.
Sinabi ni Brawner na ipinagkaloob kay Barta ang CSAFP Commendation Medal bilang pagkilala sa kaniyang serbisyo sa AFP at sa gobyerno ng Pilipinas bilang kinatawan ng Australian Defense Force.
Tinanggap din ni Brawner si incoming Australian Defense attache Navy Captain McDonald-Kerr.
Si Kerr ay nagsilbing commander ng Navy Headquarters – South Australia, na ni-recommission noong 2022 bilang HMAS Encounter.
