MAGKAROON ng pagpapatawaran, pag-uunawaan at pagbibigayan.
Ito ang mensahe ni Defense Secretary Gilbert Teodoro para sa mga Pilipinong Muslim ngayong Eid’l Fitr.
Hinimok din ng kalihim ang Muslim community na patuloy pa ring gampanan ang responsibilidad sa pamilya at komunidad at gawing ligtas ito sa anumang oras.
Sa kabilang banda, ani Teodoro, kaisa siya ng Islamic community sa pagdiriwang at hangad niyang tanggapin ni Allah ang kanilang pagsamba gayundin ang pag-aalay sa masayang araw na ito.
