NILINAW ng Department of Health (DOH) spokesperson Eric Tayag ang tamang pagpatuturok ng bivalent vaccine.
Sa programang “Mga Doktor ng Bayan” sa SMNI, sinabi ni Usec. Tayag na ang bivalent vaccine ay ibinibigay bilang pangatlong booster shot laban sa COVID-19.
Ibig sabihin, dapat nakatanggap na ng dalawang booster shot at kailangan may apat na buwan na pagitan mula sa 2nd booster bago magpaturok ng bivalent.
Sa ngayon, ang binibigyan ng bivalent ay tanging mga healthcare workers at senior citizen dahil limitado pa lang ang suplay rito sa bansa.
Samantala, binigyan na ng Food and Drug Administration (FDA) certificate of product registration ang bivalent vaccine.
