ITINALAGA ni Pangulong Ferdinand Marcos Jr. si Piddig, Ilocos Norte Mayor Eduardo Eddie Guillen bilang bagong acting chief at miyembro ng board of directors ng National Irrigation Administration (NIA).
Kinumpirma ito ni Office of the Press Secretary OIC Cheloy Garafil.
Nilagdaan ang appointment paper ni Guillen noong Disyembre 9, 2022.
Papalitan ni Guillen si dating NIA Administrator Benny Antiporda na sumasailalim ngayon sa 6 na buwan suspensyon dahil sa kinakaharap na mga reklamo kaugnay sa grave misconduct, harassment, at oppression.
