PINAPASUSPINDE ng Department of Transportation (DOTr) ang polisiya ng Metro Rail Transit (MRT) Line 3 hinggil sa kanilang hand-carry luggage.
Kasunod ito sa natanggap na backlash ng MRT-3 management sa social media nang i-reshare nila muli ang dating advisory kung saan hindi maaaring dalhin sa train ang luggage na mas malaki sa 2×2 feet.
Sa pahayag ni DOTr Sec. Vince Dizon, dapat maisalang na sa review ang naturang advisory dahil hindi maaaring pahirapan pa ang mga commuter.
Ang panuntunan hinggil sa luggage ay ipinatupad noong taong 2019.
