ISA sa mga maiinit na usapin ngayon ang pagbabalik ng Senado sa Kamara ng impeachment complaint laban kay VP Sara Duterte. Para sa isang political commentator, ito ay isang malaking puntos pabor kay VP Sara.
‘’Well, I don’t call it na nakapuntos sila being dodge the bullet. Honestly, ang puntos nito ay si VP Sara,’’ayon kay EB Jugalbot, Political Commentator.
Ito ang binigyang-diin ng political commentator na si EB Jugalbot.
Matatandaan na sa naging botohan sa Senado, labing-walong senador ang pumabor na i-remand o ibalik sa Kamara ang articles of impeachment upang linawin muna ang legal na proseso bago ituloy ang trial habang lima naman ang tumutol.
Kasunod nito, pinayagan ng Senado ang mosyon ni Senate President Chiz Escudero na pansamantalang isantabi ang impeachment trial.
Pero ayon kay Jugalbot, tila naghugas-kamay lang ang Senado sa desisyong ito.
‘’It was just a polite excuse of stopping them the impeachment even before it started. It was a compromise between two opposing camps,’’ saad ni Jugalbot.
Dagdag pa ni Jugalbot, tila iniiwasan ng Senado ang direktang pananagutan sa usapin.
‘’The Senate first became the respondent in a trial in the bar of public opinion, kumbaga noh, at parang naghugas-kamay sila, naging Pontio Pilato muna sila—putting all the blame on the lower house of the 19th Congress, and then passing on the very heavy burden of proceeding with the trial to the 20th Congress,’’ aniya.
Ilang session days na lamang ang natitira bago tuluyang magsara ang 19th Congress, habang sa Hulyo 28, 2025, nakatakda nang magbukas ang 20th Congress.
Sa puntong ito, sinabi ni Jugalbot na malabo nang maituloy ang impeachment complaint laban sa Pangalawang Pangulo.
‘’So meaning to say, we have to wait on July 28, hours before the SONA when they will convene. They will elect a speaker, set up whatever they want to set up—‘yung lower house of the 20th Congress. Ang 19th Congress wala nang oras ‘yan, but the 20th Congress will now have to decide. Again, bearing in mind that the 19th Congress has explicitly said that it cannot bind the 20th Congress to proceed with the impeachment—sa kanila na ‘yung desisyon na ‘yon,’’ dagdag nito.
