ARESTADO ng mga tauhan ng Philippine National Police (PNP) Integrity Monitoring and Enforcement Group (IMEG) ang isang pulis sa Cebu City dahil sa pangingikil.
Ayon kay PNP IMEG Director Police Brigadier General Warren de Leon, kinilala ang suspek na si Police Staff Sergeant Paul Dennis Traya, nakatalaga sa Mambaling Police Station 11 bilang traffic investigator.
Si Traya ay inireklamo ng panghingi sa motorista na kanyang hinarang sa checkpoint sa Brgy. Mambaling, Cebu City.
Humingi umano ng 10,000 piso ang suspek sa complainant na nagbigay naman ng 3,000 piso.
Nasa kustodiya ng IMEG Region 7 ang suspek na sasampahan ng reklamong robbery extortion.
