KAWIT ORIENTAL, LANAO DEL NORTE – Ngayong araw, naging makulay at masaya ang komunidad ng Kawit Oriental nang magsama-sama ang mga residente sa isang pulong-pulong na dinaluhan ni Pastor Apollo C. Quiboloy at mga kandidato ng PDP-Laban Senatorial Slate.
Punong-puno ng sigla, kagalakan, at inspirasyon ang pagtitipon habang aktibong lumahok ang mga mamamayan sa talakayan ukol sa mga adbokasiyang makakatulong sa pag-unlad ng kanilang lugar — mula sa kabuhayan, edukasyon, kalusugan, hanggang sa kapayapaan.
“Hindi lang ito kampanya. Isa itong sandali ng pagkakaisa — na kahit iba-iba ang pinanggalingan, iisa ang pangarap para sa mas magandang bukas,” ani ng isang youth representative na dumalo.
Ang event ay hindi lang nagbigay ng plataporma, kundi naghatid din ng panibagong pag-asa sa mga taga-Kawit Oriental. Sa mga mensaheng ibinahagi ni Pastor Quiboloy at ng kanyang mga kasama, damang-dama ng mga dumalo ang sinceridad at malasakit para sa bawat Pilipino.
