MAKATATANGGAP ngayong taon ng P2.5-B halaga ng financial aid ang lahat ng public utility vehicle (PUV) drivers.
Pagtitiyak ito ni Makati City 2nd District Rep. Luis Campos Jr. dahil may inilaan aniya ang Kongreso bilang fuel subsidies ng PUV drivers kabilang na ang tricycle, ride-hailing at delivery service drivers.
Kasabay rito ay mayroon ding P510-M na financial assistance para sa mga magsasaka na gumagamit ng fuel para sa kanilang agricultural machinery.
Partikular na mabibigyan ng financial assistance ang mga PUV driver na nai-validate ng Land Transportation Franchising and Regulatory Board (LTFRB).
Sa mga magsasaka ay dapat nakalista ito sa registry system ng Department of Agriculture (DA).
