HINAWAKAN umano ng dalawang casino junket operators ang ransom money ng nasawing Chinese businessman na si Anson Que.
Ayon sa Philippine National Police (PNP), ang dalawang operators ay ang 9 Dynasty Group at White Horse Club.
Batay sa imbestigasyon ng PNP, sa dalawang casino muna pinadaan ang ransom money bago ito nailipat sa mga crypto wallet.
Matatandaang huling nakita si Que at ang kaniyang driver noong Marso 29 sa Valenzuela.
Natagpuan na lamang itong patay noong Abril 9 sa Brgy. Macabud, Rodriguez, Rizal.
