NASA 15.4 degrees Celsius ang temperatura sa Baguio City nitong Martes, Enero 14, 2025.
18 degrees Celsius naman sa Malaybalay, Bukidnon ayon sa Philippine Atmospheric, Geophysical and Astronomical Services Administration (PAGASA).
Sa Itbayat, Batanes ay nasa 18.2 degrees Celsius; 18.8 degrees Celsius sa Casiguran, Aurora; 19.6 degrees Celsius sa Tanay, Rizal; at 19.7 degrees Celsius sa Calayan, Cagayan.
Nakapagtala rin ng malamig na temperatura sa Baler, Aurora; Abucay, Bataan; Infanta, Quezon; at Tuguegarao City, Cagayan.
Sa pahayag ng PAGASA, maaaring lumamig pa ang panahong dala ng amihan sa susunod na mga araw.
