NAKIISA si Vice President at Secretary Sara Duterte sa ginanap na Philippine Association of School Superintendents, Inc. National Convention noong Marso sa GSIS Theater sa Pasay City.
Bilang Kalihim, binibigyan nito aniya ng pagkilala ang mga bumubuo at naglilingkod sa Kagawaran ng Edukasyon.
Ipinaalala ni VP Sara ang kahalagahan ng pagkakaisa dahil hindi aniya nito magagawa ang trabaho at reporma sa Kagawaran para sa ikaaangat ng kalidad ng edukasyon kung iilan lang ang kumikilos.
Aniya, bilang mga kawani ng bayan, ipinaalala niya sa kanila na kailangang gawin ang kanilang mga tungkulin nang tama, may katapatan, hustisya, at pagkakapantay-pantay.
Muli naman nitong pinasalamatan ang mga Division Superintendents para sa exceptional service sa kagawaran.
