INILIPAT ang nasa 300 persons deprived of liberty (PDLs) mula sa New Bilibid Prison (NBP) papuntang Iwahig Prison and Penal Farm sa Palawan.
Ang hakbang ay kasama sa jail decongestion ng Bureau of Corrections (BuCor) sa NBP at Correctional Institution for Women (CIW). Noong Disyembre 7 ay inihayag ng BuCor na nasa 2,009 PDLs na mula sa NBP at CIW ang nailipat sa ibang penal farms.
Sa bilang, 947 PDLs ang inilipat sa Iwahig Prison; 562 sa Sablayan Prison and Penal Farm sa Occidental Mindoro; at 500 sa Davao Prison sa Davao del Norte.
