NAGBABALA ang Philippine Atmospheric, Geophysical and Astronomical Services Administration (PAGASA) na posibleng makaranas ng mapanganib na heat index ang 37 lugar sa bansa ngayong araw.
Mararanasan naman ang pinakamataas na heat index na aabot sa 47 degrees Celsius sa Dagupan City sa Pangasinan.
Kabilang sa mga lugar na makararanas ng ‘dangerous’ heat index na 46 degrees Celsius ay ang Pili, Camarines Sur, at Roxas City, Capiz.
45 degrees Celsius naman ang mararanasan sa Bacnotan, La Union at Virac, Catanduanes;
44 degrees Celsius naman sa Batac, Ilocos Norte; Aparri, Cagayan; Alabat, Quezon; Cuyo, Palawan; Masbate City, Masbate; Dumangas, Iloilo; Catarman, Northern Samar; at Zamboanga City;
Mararanasan naman ang 43 degrees Celsius heat index sa Pasay City, Tuguegarao City; Echague, Isabela; Sangley Point, Cavite; Ambulong Tanauan, Batangas; Coron, Puerto Princesa at Aborlan sa Palawan; San Jose, Occidental Mindoro, Iloilo City; Catbalogan, Samar; at Butuan City.
Habang 42 degrees Celsius na heat index naman ang mararanasan sa Science Garden sa Quezon City; Sinait, Ilocos Sur; Laoag, Ilocos Norte; Subic Bay, Olongapo City; Calapan, Oriental Mindoro; Daet, Camarines Norte; Legazpi City, Albay; Mambusao, Capiz; Guiuan, Eastern Samar; Maasin Southern Leyte; at Dipolog, Zamboanga del Norte.
