MAGIGING available na sa Asia Pacific ang “Harry Potter: A Forbidden Forest Experience” simula February 3, 2024.
Sa lahat ng interesado at fans ng Harry Potter, partikular itong ma-aavail sa Sentosa, Singapore.
Ang ticket selling ay magsisimula sa Nobyembre 16.
Sa nabanggit na “Forbidden Forest” recreation, maaari nang makita face-to-face ang mystical creatures mula sa Harry Potter series gaya ng Hippogriffs, Unicorns, at Nifflers.
Tampok din sa recreation ang flying car ni Arthur Weasley maging ang isang wand battle scene.
Tinatayang aabot sa 30 minuto para makumpleto ang buong forest trail.
Naunang inilunsad ang “Harry Potter: A Forbidden Forest Experience” sa United Kingdom at United States bago ito tumawid sa Asia.
