DINOMINA ng Team Army ang AFP Match Phase sa katatapos lang na Chief of Staff Challenge 2024 na ginanap sa Philippine Military Academy Firing Range sa Fort del Pilar, Baguio City.
Ang nasabing shooting competition ay pinangasiwaan ng Philippine Shooters and Match Officers Confederation na nagsimula noong Enero 24-28, 2024.
Hinirang na Overall Champion ang Team Army sa Team vs Team General at Overall General Category sa pangunguna nina Army Vice Commander Maj. Gen. Leodevic B. Guinid (Single Stack Division General Category), TRADOC Commander Maj. Gen. Rex Luis D. Bergante (Double Action/Striker Fire Division General Category).
Habang, dinomina rin ni TSg. Willard B. Carrera ang Overall DASF category at nasungkit naman ni Army Vice Commander Maj. Gen. Leodevic B. Guinid at Cpt. Sherwin WS Guidangen ang first runner-up at fifth runner-up sa kaparehong kategorya.
Napiling benepisyaryo ng kompetisyon ang mga sugatan at may karamdaman na mga sundalo ng AFP Health Service Command, support scholarship para sa military orphans, at pagpapaganda ng PMA Firing Range.
